عن حبك مش ممكن هتوب

مصر يا حكاية جميلة بيحكيها كل من شافك. كل الي جالك وزارك يا غنوة حلوة في لسان كل ولادك. يا وردة زاهية وعطرها فايح. امشي في ربوعك يغني قلبي بحبك. ينشد أغاني فرحتى بقربك. ترقص عنيا لما أشوف نيلك. ويهتف فؤادي أؤمري أجيلك. عشقتك من وأنا صغير. من لما كنت بروح للمدرسة. ماشي ولا اعرف حاجة بتدور حواليا. لكن كبرت يا مصر وشفت وفهمت. ويا ريتني يا حبيتبي ما كنت فهمت. عرفت ان الى حاكمينك زبالة. حثالة سموا نفسهم كبارات. بنوا القصور وشيدوا العمارات. سرقوا الفلوس نهبوا الجيوب وطاروا ع المطارات. يتمتعوا وانا عايش فيكي منهوب. مسروق مكبل عاطل منداس عليا واخد الف مليون شلوت. وعسكري ابن تيت يضرب يعذب يسجن قال ايه بيادب. هو انا لما اطالب بحقي فيكي أبقى مش مؤدب. هو انا لما اقول بحبك يبقى بتجاوز الخط الأحمر. هو حبك بقى جريمة؟. وإلا هو من الامور المستحيلة؟. هو انتي صحيح مصر بتاعتنا والا ملك للحكومة. يا مصر انتي في دمي وعن حبك مش ممكن هتوب. لكن يا مصر ........... خلاص يا مصر خلاص تعبت. هبطل اقولها بلساني. يمكن ... يمكن يا مصر يصدقوا اني من حبك انتي تبت. ويرحموني ويسيبوني. والا اقولك. هيا موتة واحدة والا اتنين. انا عندي كم مصر غيرك وهعيش عشان مين. انا بحبك بقلبي ولساني وبروحي وكل كياني. يا مصر لو مش عشانك هموت. هموت عشان مين تاني ؟. بقلمي ॥ شوق ...