أبطال الأمن المركزي .. قوات الأمن المركزي
الى بتحافظ على سلامنا
على أمننا على حياتنا
الى بتحمينا .. وبتحفظنا
الى بتخلينا نام في أمان
وما نخافش على ولادنا ولا بناتنا
الى بتخلينا ننام ولا نخاف على فلوسنا ولا حاجتنا
أسود الأمن المركزي
قوات الشرطة
يا سلام عليهم
ربنا يحميهم من عيون أعاديهم
أعاديهم ؟؟؟ !!
هما الملايكة دول ليهم أعداء
وياترى مين الى يعاديهم
دول حامين البلد وحارسهنا
أقولك أنا مين أعداؤهم
أعداؤهم كل واحد ماشي في طريقه لله
كل شاب عارف مصلحة دينه وبيسعى وبيقول الله
كل بنت محجبة ماشية في طريقها لا بتلف يمين ولا شمال
كل الى ماسك مصحف وبيقول دستوري كتاب الله
كل الى شايل هم أمته في قلبه وبيقول لبيك يا أقصاه
كل الى آمن بالقضية
كل الى حلم بالحرية
كل الي قال عن إسرائيل دولة ارهابية
يقولوله أنت يا ابن ....... بتاعدي السامية
أنت بتتكلم عن الأشراف
عن واهبي الحكام السلطة الأبدية
طيب تعالى يا بقى يا ابني انت وهية
لا هنسيب منكم ولد ولا بنية
ضرب تلاقوا .. سب تلاقوا
قلة أدب إنما إيه... ميه ميه
يرد الشباب ياعم اصبر .. ده أنا زي ابنك
يديله الملاك على راسه بالشومة أسكت يا ارهابي
ويزيد الضرب وتزيد الآلام
لكن هسألكم أنا سؤال
مين يا ترى الإرهابي ومين الملاك
....
جتكوا القرف ... قصيدة لعلي سلامة
أهديها لمن يعرف نفسه
جتكوا القرف
1 التعليقات:
السلام عليكم ورحمة الله وبركاته
عندو حق والله
جتهم القرف
لا حول ولا قوة الا بالله العلي العظيم
الله يكون معاهم
الله أكبر على الظالم
إرسال تعليق