هذاكـــر ؟!! ... لأ مش هـــذاكـــــــــــــر

مش عاوز اذكر....تعرف ان كتير من الطلبة بيقول الكلمة دى { اوعى تكون منهم }

بس تفتكر ليه هم بيقول الكلمة دى اكيد فى حاجة بتعكنن عليهم او فى مشكلة قديمة

بينهم وبين المذاكرة او فى عداء بايت بينهم وبين المذاكرة او ......... الخ

تعرف ان اللى مش بيذاكر ممكن يكون مش عاوز يذاكر عشان ميعرفش هو بيذاكر

ليه اساسا او هو نفسه يذاكر بس فى حاجات بتعطله .... اقول لك حاجة يلا بينا

نشوف ازاى نذاكر وخلى بالك احسن { شوشو } الشيطان يعنى يضحك عليك

اولا : اذاكر ليه : بص يا عم انا عاوزك تذاكر وتتفوق كمان .. ايه كمان اتفوق ليه

عشان مين كل ده

1- عشان رضى ربنا ... فتفوقى طاعة لربى

2- عشان الوالدين ... مش نفسك تفرحهم ويدعولك ونفسك يفتخروا بيك ولا انت زعلان منهم ..زعلان مين . بقولك ايه اوعى - شوشو- يضحك عليك

احنا هنذاكر ونفرحهم عشان هما اغلى حاجة فى الدنيا

3- لنصرة الدين والامة ...يا عم الامة كمان عيزانى اتفوق ... طبعا الامة محتاجة الدكتور المسلم الناجح فى عمله مش اللى ينسه الفوطة داخل بطن المريض ....

محتاجين المهندس الامين , والمعلم اللى يراعى ربنا فى شغله , والضابط اللى ينصر دايما الحق , والحرفى الناجح المتقن فى عمله .... الخ

4- عشان نفسك وطموحك ...ايوة كلمنى عن نفسى شوية ..مش نفسك تكون حاجة كبيرة فى المجتمع مش تقابل المحافظ ويكرمك مش نفسك تلاقى اسمك مكتوب بجواره ناجح ولا ...؟؟

5- واسباب غيرها كتير ونيات ممكن انت تقولها واسأل نفسك قبلها انا عاوز اذاكر واتفوق ليه ؟؟ مركز معايا

ثانيا : اعمل ايه ؟؟ كلام جميل طب اعمل ايه ... بص يا عم نعمل ايه

1- حدد نيتك قبل البدء بالمذاكرة { انا بذاكر ليه } زى ما قلنا

2- جهز مكان المذاكرة قبل ما تذاكر

3- اختار افضل اوقات المذاكرة ..الوقت اللى انت تحس فيه ان انت نشيط ومرتاح نفسيا وبدنيا

وبيقولوا ان هو بعد الفجر ..ايه بعد الفجر .. يا عم عاوز انام .. خلى بالك من شوشو الخبيث عاوز يضيعك .

4- خلى بالك من اصحاب السوء اللى شوشو ساعات بيتعلم منهم

5- افتكر يوم النتيجة { ناجح ولا ساقط } واوعى .... يضحك عليك

6- قبل كل ده احرص على رضا الوالدين ده احنا ماشيين ببركتهم وبدعائهم

7- اوعى تنسى عباداتك مع ربنا والدعاء والصلاة اهم حاجة

يا عم ده كلام جميل بس فى حاجات بتخنفنى لما اذاكر زى :

1- السرحان ..... بص يا عم اوعى تذاكر فى السرير , ذاكر بصوت مرتفع بس مش ميكروفون

عشان راسك متتعبكش , ذاكر بالورقة والقلم ولخص واكتب التلخيص

2- مش عاوز اذاكر ....... حدد هدفك من المذاكرة , تذكر يوم الامتحان .... ووضعك وسط زملائك واهلك

3- بمل بسرعة .......غير شكل مكان المذاكرة كل فترة مش كل دقيقة , انتقل من مادة لاخرى حسب جدولك

رفه عن نفسك عند الانتقال من مادة لاخرى بس مش تلعب ساعتين وتذاكر ساعة واوعى تقرب من البرامج التافهة

والشيطان يقولك { مش هتقدر تغمض عنيك .....وتحدى الملل}

4- بفكر غى حاجات كتييير وقت المذاكرة ... ضع ورقة بجوارك وكل ما تجيلم فكرة اكتبها فى الورقة وبعد ما تخلص مذاكرة فكر فيها براحتك .

أعتقـــد محــدش عنـــده عذر الآن  والكل لازم يذاكر

  تحيـــــــــــــــــــــتي